illegal liquor raid : चंद्रपूर: जिल्ह्यामध्ये अवैध व्यवसायांविरुद्ध पोलिसांनी कंबर कसली असून, स्थानिक गुन्हे शाखा (LCB) चंद्रपूरच्या पथकाने ब्रह्मपुरी तालुक्यातील तोरगाव येथे धाड टाकून दोन वेगवेगळ्या कारवायांमध्ये मोठ्या प्रमाणात अवैध देशी व विदेशी दारूचा साठा जप्त केला आहे. या कारवाईमुळे अवैध दारू विक्रेत्यांचे धाबे दणाणले आहेत.
गोपनीय माहितीच्या आधारे धाड
मिळालेल्या माहितीनुसार, १३ मे २०२६ रोजी स्थानिक गुन्हे शाखा, चंद्रपूरच्या पथकाला ब्रह्मपुरी तालुक्यातील मौजा तोरगाव येथे मोठ्या प्रमाणावर अवैध दारूची विक्री आणि साठा केला जात असल्याची गोपनीय माहिती मिळाली होती. या माहितीची शहानिशा करण्यासाठी उपविभाग ब्रह्मपुरी पथक आणि स्थानिक गुन्हे शाखेच्या पथकाने संयुक्तपणे तोरगाव येथे छापा टाकला. (चंद्रपुरात धडकले ATS चे पथक)
दोन आरोपींवर गुन्हे दाखल
या छाप्यात दोन वेगवेगळ्या ठिकाणी कारवाई करण्यात आली. पहिली कारवाई शैलेंद्र रामटेके (वय ५४ वर्ष, रा. तोरगाव) याच्यावर करण्यात आली. त्याच्याकडून ४ पेट्या देशी दारू (१८० मिलीच्या १९२ बाटल्या) आणि १ पेटी देशी दारू (९० मिलीच्या १०० बाटल्या) असा एकूण १९,३६० रुपयांचा माल जप्त करण्यात आला. illegal liquor raid
दुसरी कारवाई पितांबर लुटे (वय ३४ वर्ष, रा. तोरगाव) याच्यावर करण्यात आली. त्याच्याकडून ३ पेट्या देशी दारू (१८० मिली), १ पेटी देशी दारू (९० मिली) आणि १ पेटी विदेशी दारू (नंबर १ च्या ४८ बाटल्या) असा एकूण २५,६०० रुपयांचा मुद्देमाल जप्त करण्यात आला.
एकूण मुद्देमाल आणि कायदेशीर कारवाई
या दोन्ही कारवायांमध्ये पोलिसांनी एकूण १० पेट्या (देशी व विदेशी) दारू असा एकूण ४४,९६० रुपयांचा माल हस्तगत केला आहे. या प्रकरणी दोन्ही आरोपींविरुद्ध पोलीस स्टेशन ब्रह्मपुरी येथे महाराष्ट्र दारूबंदी कायद्याच्या कलम ६५ (इ) आणि ८३ अन्वये अपराध क्रमांक ४६३/२६ आणि ४६४/२६ नुसार गुन्हे दाखल करण्यात आले आहेत. illegal liquor raid
सदर यशस्वी कारवाई स्थानिक गुन्हे शाखा चंद्रपूर आणि ब्रह्मपुरी पथकाने पार पाडली. जिल्हयातील अवैध दारू विक्री पूर्णपणे मोडीत काढण्यासाठी पोलिसांचे विशेष अभियान सुरू असून, आगामी काळात अशा कारवाया अधिक तीव्र केल्या जातील, असे संकेत प्रशासनाने दिले आहेत.